Jæja, nú er komin ferðablogg:
sjaheiminn.bloggar.is
þar getið þið fylgst með ferð okkar um Tæland og nágrenni.
Brottför nálgast óðum, erum komin til Reykjavíkur og bíðum spennt!!
En endilega kíkið á ferðabloggið annað slagið. Við ætlum að reyna að vera dugleg að láta vita af okkur.

Sjáumst eftir 6 vikur...

Sko, þegar Lára systir er farin að kvarta yfir bloggleysi þá er komin tími til að láta hendur standa fram úr ermum.

 Helst í fréttum, ég er að fara til Tælands ásamt Andra þann 5. mars næstkomandi, við verðum í 6 vikur úti. Tók mér 2 mánaða frí í vinnunni, og já ég er enn að vinna á PWC Húsavík.
Hlakka mikið til en það er kannski óþarfi að taka það fram.
Ekkert planað, bara að gera það sem mann langar til þann daginn og njóta þess að vera til.

Þetta er nú það helsta en já þetta er nú alveg hellingur...%3

Nei það er ekkert að gerast á Húsavík. En það hefur samt ýmislegt verið að gerast hjá mér. Ég er búin að vera svolítið heima í sauðburði eins og vanalega á þessum tíma árs. Svo skruppum við Andri til Ísafjarðar um hvítasunnuhelgina, fórum í 2 fermingar og 1 útskrift, það var bara góð helgi sko. Reyndar dálítið mikill snjór á Bolungarvík, göturnar þar voru ruddar á föstudeginum, þvílík geggjun. Hvar er sumarið eða byrjum bara á vorinu? En ég vona nú bara það besta og að það sé komið núna. Í dag er allavega sól og fínt verður. Andri flutti inn í síðustu viku. Hann er að fara að vinna á bát sem er gerður út frá Húsavík.
Það eru svona helstu skemmtilegu fréttirnar síðan síðast.
Ég er búin að fá alltof mikið af leiðinlegum fréttum en þær verða ekki taldar upp hér.

Ég er ekki með nein plön um sumarfrí en það væri nú fínt að fá einhverjar uppástungur um frí.

Vá hvað þetta er eitthvað glatað, en ég datt úr öllu stuði um leið og ég byrjaði.

Já, rétt. Ég er á leiðinni suður, ekki í þessum töluðu orðum (rituðum) heldur í næstu viku. Verð á námskeiði í vinnunni á fim og fös. Verð svo yfir helgina. Endilega verið í sambandi, ég þarf að reyna að hitta sem flesta...

Ný færsla? Það er nákvæmlega ekkert að frétta hjá mér! Er í vinnunni á Húsavík alla vikuna, allir velkomnir í heimsókn! Fer heim um helgar, horfi á dvd og borða, skrepp út í fjárhús eða á hestbak punktur.

Þegar ég var að keyra inn á Húsavík síðustu helgi fór ég að mig langaði að vera bara hérna heima! ok, en hvað gæti ég farið að gera? Eitthvað sem hentaði mér og minni menntun..... ég veit það ekki! Er eitthvað fyrir mig að gera hér? Datt ekkert í hug nema kannski kenna.... Hversu ömurlegt er að langa að vera í sinni heimabyggð en ekki fá vinnu við sitt hæfi og þar af leiðandi að geta ekki verið þar. Mér finnst það virkilega lélagt.

............... en ég veit samt ekki hvað þetta allt er!!!
Vinnan gengur fínt, verð að fara að vinna einhverja yfirvinnu, er alltaf komin heim á réttum tíma en hin eru allt langt fram á kvöld.
Nú er þorrablót heima um helgina, á að mæta??? Ég mæti hress og kát. Vonast eftir að sjá sem flesta. Aldrei að vita!
Ég keypti mér bíl í vikunni, hann á vonandi eftir að reynast vel.
Annars er að verða býsna heimilislegt hjá mér hérna á Húsavík, vantar bara einhvern til að búa með, býður sig einhver fram. Það er fínt að vera á Húsavík!
Alltaf velkomin....

Ég ætlaði að fara í aðra sálma, barnaníðinga og eitthvað, en ........... hvað er málið með það! Skil ekki, en það er svo margt sem ég skil ekki!!! 

Jæja, þá er ég komin með netið heim og sjónvarp líka! Mesti munur..... Annars er ekkert sérstakt að frétta, ég er bara búin að vera hér á Húsavík og láta mér leiðast.. eða svo gott sem! Ég þarf að fara að vafra, hef ekki haft tölvuna í fanginu svo lengi, hef saknað hennar svo mikið!

Ég er komin heim, en var búin að vera að heiman í rúma viku, ákvað að leggja land undir fót yfir áramótin og fara á Vestfirðina í fyrsta sinn á ævinni. Þar var ég í viku, hélt aðallega til í Bolungarvík. Ástæðan.... strákur... hvað annað! Eins og flestir vita nú, á ég kærasta sem er að vinna í Súðavík, eða gerir út þaðan. Hitti eina vinkonu mína í flugvélinni á leiðinni heim frá Ísafirði og sagði henni þær fréttir að ég væri að fara að vinna á Húsavík. Hún sagði bara Súðavík, Húsavík, hver er munurinn?? Góð spurning, Húsavík er á norðurlandi!!
Byrja sem sagt í nýju vinnunni á morgun, og er svona að flytja til Húsavíkur smá saman. Er búin að fá mér heimasíma og netið heim, svo kannski, aðeins kannski blogga ég meira þá! Lofa engu um það samt.
Ég hringdi í þjónustuver símans í dag til að redda ýmsu sem redda þurfti, og þar var ég sett á bið og fékk að hlusta á fínustu lög, ekki neinar sinfóníur nei nei. Svo byrjaði friendslagið.... I´ll be there for you..... þá datt mér í hug þátturinn sem Phebee var látin bíða í rúmlega sólahring í símanum...... ég sá alveg fyrir mér að mín biði svipuð reynsla en ég slapp nú furðuvel frá þessu og fékk bara góða þjónustu í þokkabót.

Jæja, óskið mér góðs gengis í vinnunni.
p.s. ef ég blogga ekki fyrir þann tíma þá á ég bráðum afmæli!! Muna það!!

Nú hef ég fréttir að færa, ég er að fara að vinna á Húsavík eftir áramót, verð að vinna hjá PricewaterhouseCoopers.
Annars er allt gott bara, Andri er farinn að vinna í Súðavík og ég er enn að vinna í Fjallalambi. Þar er brjálað að gera, bókstaflega........ byrja alltaf kl 6 á morgnanna!! Ekki alveg að gera sig, skal ég segja ykkur

En hvað er málið með þessi blessuðu jólalög, ég þoli ekki að hlusta á jólalög, ekki á þessum tíma. Fínt að hlusta á þau rétt fyrir jól en það er nú alveg 3 vikur eða eitthvað í jólin!!
Mæja gerði sér lítið fyrir og kom í heimsókn til mín í gær, enda hefði annað verið skandall, búin að koma einu sinni heim án þess að láta vita af sér!!!
Ólöf Magg eignaðist strák í morgun, innilega til hamingju með það!!

Nýtt blogg.... ég veit nú ekki hvað skal segja!
Ég er enn fyrir norðan og verð þar enn um sinn, skrapp suður í nokkra daga samt í síðustu viku eða þar síðustu. Tíminn líður svo hratt, bráðum koma jólin og allt það.
Ég var á Akureyri á laugardagskvöldinu fyrir viku síðan, og fór á herra Norðurland. Þvílíkt fyndið.... en hann Jónsi stóð sig mjög vel, langflottastur
Ég stefni á að fara á árshátíðina á Hvanneyri um þar næstu helgi... krakkarnir, systkini mín sem sagt, koma væntanlega heim um næstu helgi.
Æi, ég nenni þessu ekki.....

Mæja mín...
Ég er enn heima í sveitinni og ekki veit ég enn hvenær það breytist. Mér líður bara svo vel hérna + að ég þarf ekkert að hafa fyrir því. Ég bara nenni ómögulega að gera eitthvað í þessum flutningsmálum. Það er bara svo margt sem þarf að hugsa... mig vantar vinnu, íbúð og bíl!! Er þá ekki bara fínt að vera hérna heima, í ókeypis húsnæði og bíl og ..... smá vesen með að fá vinnu, allavega ef ég ætla að nýta menntunina eitthvað. Nei nei ég er á leiðinni alltaf á leiðinni......
já, á meðan að ég man þá fór ég suður um þar síðustu helgi og útskrifaðist svona formlega, mér fannst ég bara vera svo löngu búin að það var hálf undarlegt að sitja þarna og vera að "útskrifast"
Annars er búið að vera ótrúlega gaman hérna heima, ég vakna eldsnemma á morgnanna til að fara með mömmu í Fjallalamb og svo er yfirleitt farið beint út að gera eitthvað, reka inn, vigta, rétta, fara í göngur og þar fram eftir götunum. Árni bróðir er líka heima enda veitir ekkert af..... svolítið mikið meira að vera með tvö bú í stað eins.
Ég er komin  mjög inn í sauðfjárræktina, nú talar maður um þessar og hinar mælingar þyngd og annað eins og sannur bóndi. Svo er Hrútadagurinn Mikli á laugardaginn, maður mætir auðvitað þangað.

Læt þetta duga handa þér Mæja mín (og ykkur hinum)

Var að koma úr fríi, þvílíkir dagar! Byrjaði á því að fara í starfsmannaferð til Flateyjar, á leiðinni heim kom geggjuð þoka og ratarsjáin í bátnum bilaði svo við stóðum bara í stefninu og þeyttum þokulúðurinn!!! Björgunarsveitin kom svo og fylgdi okkur til bryggju
Fór einnig í fjölskylduhestaferð, fórum upp í forvöð, síðustu forvöð!! ehhe ok, þetta var sagt við mig áður en ég fór og mér fannst þetta lúmskt fyndið! En þetta voru frábærir dagar, veðrið hefði einfaldlega ekki getað verið betra og útsýnið á leiðinni var einstakt. Grilluðum og veiddum í Hafurstaðavatni, algjör snilld.
Á leiðinni heim var hún Gola (hryssa) svo æst að hún rauk með mig 2x sinnum..... ekki sátt sko! En ég barðist við hana alla leiðina og uppskar svöðu sár (ekki á rassinum samt) og annar litli puttinn minn er ennþá dofinn, finn ekki fyrir honum! Hef nú ekki vitað annað eins.
Vinnan er að verða búin, er ekki að nenna meir, verð svo stoltur starfsmaður Fjallalambs í sept, svo eru hlutirnir óráðnir. Endilega látið mig vita ef þið vitið um íbúð í R-vík og ef þið vitið um vinnu þar líka, flott

Já, sumarið er komið og er bara búið að vera ágætt! Er reyndar bara búin að vinna en svona er þetta bara.
Sigur rós tónleikarnir voru æðislegir!!! Fór með Mæju og Hnikarri, fórum snemma með nesti og fínt og komum okkur bara fyrir langt áður en tónleikarnir byrjuðu!
Svo var náttúrulega brjálað að gera í vinnunni alla helgina svo ég gerði ekki neitt meir.
Árni bróðir fer að koma heim frá Grænlandi en hann er búinn að vera þar að vinna síðan ég kom heim frá Grikklandi!
Ég ætla að vera heima í september, ætli ég verði ekki bara út í fjárhúsum ef ekki þar þá á hestbaki, finnst þetta bara hljóma vel, en ykkur?
Ég átti að fá útskriftarathöfn í september og vera þá endanlega orðin viðskiptalögfræðingur en haldiði ekki að athöfnin eigi að vera þegar réttirnar heima eru!! Ég er svo mikil heimasæta að mér dettur ekki í hug að fara á útskriftina og sleppa réttunum!! Kannski ég mæti bara með húfuna og köku á réttirnar og held fjölmennustu útskriftaveislu sem sögur fara af! Menn, kindur, hestar og hundar allir velkomnir, sjáum til!!

Er sumarið komið? Ég veit það ekki!!!

Get ég ekki bara lagst í vetrardvala núna, nenni ekki að hugsa um framtíðina. Hvað skal gera, hvað skal gera?

Já, meira segja fyrir um 2 vikum síðan!  En ég er bara búin að halda mér heima við! Ótrúlegt hvað maður er fljótur að komast inn í það umhverfi sem maður er í hverju sinni. Fyrsta daginn minn heima fór ég á hestbak og var að sleppa kindum, í skítagallanum og allt tilheyrandi. Þótt ég hafi eingöngu gengið í pilsi síðasta mánuðinn úti og alltaf verið voða fín!!! Ekki að skítagallinn sé ekki heillandi!!!
Allavega ég er komin heim heil á höldnu og er bara að njóta sveitasælunnar hér heima!